نکتہ وروں نے ہم کو سجھایا ، خاص بنو اور عام رہو

^{محفل محفل صحبت رکھو، دنیا میں گم نام رہو}

^---

^{شاعر‘ ادیب‘ نقاد اور براڈ کاسٹر” مختار صدّیقی “ کا یومِ وفات}

^{18؍ستمبر 1972}

^{(پیدائش: یکم مارچ، 1917ء – وفات: 18 ستمبر، 1972ء)}

^{منتخب اشعار}

^{جن خیالوں کے الٹ پھیر میں الجھیں سانسیں}

^{ان میں کچھ اور بھی سانسوں کا اضافہ کر لیں}

^---

^{بستیاں کیسے نہ ممنون ہوں دیوانوں کی}

^{وسعتیں ان میں وہی لاتے ہیں ویرانوں کی}

^---

^{عبرت آباد بھی دل ہوتے ہیں انسانوں کے}

^{داد ملتی بھی نہیں خوں شدہ ارمانوں کی}

^---

^{میری آنکھوں ہی میں تھے ان کہے پہلو اس کے}

^{وہ جو اک بات سنی میری زبانی تم نے}

^---

^{نور سحر کہاں ہے اگر شام غم گئی}

^{کب التفات تھا کہ جو خوئے ستم گئی}

^---

^{کبھی فاصلوں کی مسافتوں پہ عبور ہو تو یہ کہہ سکوں}

^{مرا جرم حسرتِ قرب ہے تو یہی کمی یہاں سب میں ہے}

^---

^{رات کے بعد وہ صبح کہاں ہے دن کے بعد وہ شام کہاں}

^{جو آشفتہ سری ہے مقدر اس میں قید مقام کہاں}

^---

^{سحرِ ازل کو جو دی گئی وہی آج تک ہے مسافری}

^{اسے طے کریں تو پتہ چلے کہاں کون کس کی طلب میں ہے}

^---

^{پھیرا بہار کا تو برس دو برس میں ہے}

^{یہ چال ہے خزاں کی جو رک رک کے تھم گئی}

^---

^{کیا کیا پکاریں سسکتی دیکھیں لفظوں کے زندانوں میں}

^{چپ ہی کی تلقین کرے ہے غیرت مند ضمیر ہمیں}

^---

^{میں تو ہر دھوپ میں سایوں کا رہا ہوں جویا}

^{مجھ سے لکھوائی سرابوں کی کہانی تم نے}

^---

^{ترے جلوے تیرے حجاب کو میری حیرتوں سے نمو ملی}

^{کہ تھا شب سے دن کبھی تیرہ تر کبھی شب ہی آئنہ رو ملی}

^...

^{شان خدا ہے آج زمانہ آیا ہم بے ہنروں کا}

^{ورنہ اس اک بستی میں بھی کیا کیا اہل کمال ہوئے}

^——

^{ناکامی کا ملا ل بھی ہم کو پیش رَوؤں کی سند سے ہے}

^{ویسے ان کی طرح سے ہم بھی ہار کا کھیل ہی کھیلے تھے}

^——

^{اپنے حال کو جان کے ہم نے فقر کا دامن تھاما ہے}

^{جن داموں یہ دنیا ملتی، اتنے ہمارے دام کہاں}

^——

^{تھی تو سہی ، پر آج سے پہلے ایسی حقیر فقیر نہ تھی}

^{دل کی شرافت ، ذہن کی جودت اتنی بڑی تقصیر نہ تھی}

^——

^{یارو اب شائستہ صحبت ، کون رہا اس بستی میں}

^{اب صحبت دل گیر نہ ہو تو ہم پہ کوئی الزام نہیں}

^——

^{آٹھ پہر آشفتہ خیالی کس کو بھلا خوش آتی ہے}

^{جی مانے تو ہم بھی کچھ دل جمعی کا سامان کریں}

^——

^{رات بہت بے حال رہے ہیں، بھولی بسری یادوں نے}

^{اک ایک گھڑی بے خوابی کی کن جتنوں سے بہلائی ہے}

^——

^{نکتہ وروں نے ہم کو سجھایا ، خاص بنو اور عام رہو}

^{محفل محفل صحبت رکھو، دنیا میں گم نام رہو}

^——